13 Novembre 2010
Categoria : cristianesimo
Deus ti salvit Maria a sa campidanesa a cura di Mauro Dadea
S’ave Maria de para Innocenti.
In metru anacreonticu tradusia.
In lingua campidanesa
Deus ti salvit Maria
Chi ses de gratzia prena,
De gratzias ses sa vena
E sa currenti.
Su Deus onnipotenti
Cun tegus esti stau
Giaighì t’hat preservau
Immaculada.
Beneditta e alabada,
Tra is feminas gloriosa,
Ses Mamma, Filla e Sposa
De su Segnori.
Benedittu su frori
Gesus, Verbu divinu,
Chi noi mesis in sinu,
Tui has portau.
Prega su Fillu amau
Po nosu, peccadoris,
Po chi tottu is erroris
Nosì perdonit.
E grazia nosì donit,
In sa vida e in sa morti,
E sa diciosa sorti
In Paradisu.
