Categoria : versos in limba

“Ave Maria nel tempo della pandemia” di Pietro Meloni

Nel tempo della Pandemia

Deus ti salvet Maria
chi ses de gratzia piena
in custa quarantena
morit sa zente.

 

 

O Deus Onnipotente
su populu at pregadu
pro chi siat preservadu
dae custu male.

 

Virgine Immaculada
isculta  sa preghiera
de sa zente sinzera
chi a tie onorat.

 

 

Beneitta e laudada
profumada che rosa
mama nostra diciosa
frimma su viru.

 

Beneittu su fiore
profumu ‘e gelsominu
Gesus fiore divinu
a noi isculta.

 

 

Poveros pecadores
dimandamus perdonu
dade nos, Fizu ‘onu
su ‘ostru amparu.

 

Padre, ti supplicamus
dae su fundu ‘e su coro
chi una gratzia ‘e oro
nos contzedas.

 

 

E a tie Mama gloriosa
un’oratzione ébbia
dae custa pandemia
a nois salva.

 

Bellesa pura e rara
in s’ ultim’ ora
abbèri nos Segnora
su Paradisu.

 

 

Mons.Pietro Meloni Vescovo emerito di Nuoro.

 

Commenti sono sospesi.

RSS Sottoscrivi.