13 Agosto 2011
Categoria : versos in limba
Versos in limba a cura di Domitilla Mannu
De Cinzia Fancello 2^ C -Iscola Media Salvatore Fancello- Dorgali I Premio!
Carreras
Fit una die de sole
una die de ‘eranu
su sole artu in su chelu
ma in terra s’urtimu nie.
Partit sa cursa
e nois che levras
pariamus in bolu
pro arribare primos
pro ‘incher sa medalla.
Tot’ in d’unu
un’iscarpa che perdo
ma jeo
chi arrèndere non mi cherio
ch’imbolo peri s’àtera
e curro
curro
‘intas a sa fine
iscurta e binchidora.
