“Desizu” de Teresa Serra de Tzaramonte
Teresa Serra -Nata a Chiaramonti nel 1939, s’est fata connoscher pro poeta a femina manna, mancari sa poesia l’esseret apida in coro, creo , da-e sempre e tenet remonida una cantidade manna de poesias chi at iscritu. Est de su parentadu de Bainzu Cossiga, duncas bena poetica chi ‘enit da-e tesu. In custos ultimos annos at partetzipadu a rassegnas e ateras manifestatziones poeticas in diversas biddas e at retzidu diversos riconnoschimentos.
Sa poetessa, abbaidende sa variedade de su mundu criadu dae Deus
sentit chi issa est impotente a lu dipinghere comente apparit a sos ojos. S’avreschida o s’aurora, sos montes e sos prados cun sos fiores, totu issa diat cherrer pintare, ma ischit gia chi no bi la podet fagher e tando forsis faghet bene a s’accuntentare comente ant fatu santu Franziscu e medas poetas a lodare Deus pro su c’at fattu (Anghelu de sa Niéra)
Desizu
Cherio esser deo unu pintore
pro pintare su chelu e-i su mare
sas alvures sos montes e-i sos fiores
pro a tie Signore a ti lodare.
No b’at cosa pius bella de s’aurora
ca su colore faghet su signale,
parent fiamas de amore
currede sa notte cun sa die a s’abratzare.
No b’at pinzellu chi fetat furore
pro leare su colore a pintare
ca est sa manu de su Creadore
chi resessidi a ti fagher gosare.
Copiare a Deus? Ma tue ses minore
puru si ti cheres impignare
ca chelu e mare cambian colore
ogni mamentu; custu no si podet aer.
Est inutile gai troppu amore
a ti sighire no bi la podet fagher,
a sa meraviglia de su Criadore
mancu si est Giotto a si bi proare.
Custu disizu meu no at solte,
su criadu no lu poto pintare.
gia so sigura e lu chelzo folte
de de cumpeter cun tegus Segnore,
non b’at de inghiriare,.
