Accademia sarda di storia di cultura e di lingua

“La vintana di lu cori” de Maria Antonietta Noce a contivizu de Domitilla Mannu

Lu ventu sariddu passendi

l’ari pagliosi ha iffruniddu

e, a carasori , li bori e,

si so infaraddi in mari.

Àggiu sarraddu la vintana di lu cori

e più no passa dozzi l’arenu

chi ciaru ha tinnu di puisia.

Àggiu tancaddu cun barrasoni

di prunizza niedda e ipinosa

l’àiddu antiggu di lu giardhinu

undì fiurìa l’araru, l’ippìggura,

e sintori v’éra i’ l’ària netta

di sònnii e fòri mariósi

cuntaddi a bozarédda, guasi a cua.

Lu ventu sariddu m’ha rigaraddu,

ridendi e imbiffendi, iffidiaddu,

troppi visioni di morthi isthraziaddi,

di fraddeddi innuzzenti siquisthraddi,

di criadduri isthiniaddi e famiddi.

E la bozi mea s’è affrisciadda

i’ l’asghasthóru attugaddu da lu dóru.

Tancaddu àggiu la vintana di lu cori

e v’è bùggiu i’ l’appusèntu meu…

Soru una zirìglia a moristhùda

inciarièggia un cuzoreddu

luntanu e immintiggaddu.

I  prèmiu ex aequo  Osile 2012

Maria Antonietta Noce est nàschida in Tàtari e inie at sempre vìvidu. Est istada una mastra de iscola e una poetissa pretziada meda, at incomintzadu a iscrìere dae sende giòvana e at sighidu  fintzas a pagos annos como. At retzidu maicantos prèmios, non ischimus si nd’epat leadu pius issa o su maridu, su poete mannu, Nino Fois. Custa poesia l’at iscrita in su 2006.