Categoria : versos in limba

Cantadoras de Maria Sale

images-3Maria Sale ha partecipato con Domitilla Mannu alla presentazione delle poesie di cinque poetesse chiaramontesi e a loro ha dedicato questa poesia che noi pubblichiamo prima di postare quelle delle poetesse. In queste ottave Maria rievoca i canti che si cantano ai bambini, in particolare su duru duru sia/sas campanas de chija/sonant su manzanu/su puddu cagliaritanu/sa mela campidanesa/ su coro cando si pesat/non lu ido e non lu toco/cariasa e barracoco gia bind’at i binza mia/ sos fizos de mama sia/ gia si loas ana leados/duru duru duru sia./ e man mano le altre canzoni durante le faccende domestiche più tradizionali.

 

Cantadoras

Bos intendo, cun boghe dulch’e lena,
anninnias in bantzigos cantende,
sa fortuna pro fizos disizende
e tenzende in coro calchi pena.
O cantendelis longa cantilena,
cun sa ‘oghe de ballu, murmutende,
su duru duru e su tai tai,
cuddas cantones chi no finint mai.

Bos intendo, de mutos cantadoras
sas dies cabulende cun faina.
Colende cun sedatos sa farina
pro pane saboridu sas suetoras.
A “bogh’e riu” sas samunadoras
cun trastes intro s’abba cristallina.
E cun telarzu, ruca, linu e lana,
sa tessidora cun sa filonzana.

Bos intendo, sa ‘oghe pius dechìda,
in gianna, cun trig’istrint’in manos,
beneighende, cun fozas e ranos,
s’incaminada noa de sa vida.
Nende: “Siat cust’andala fiorida,
pro ponner passos giustos e galanos”.
Cun su versu pensadu sempre nou,
cabàl’a su disiz’in coro sou.

Bos intendo, cantende sos adios,
a caros, in s’ora ‘e sa giamada,
attitende, sa sorte ch’est toccada
in sa tristura cun cantigos prios.
Raros carignos, chi los torrant bios,
cun sos ammentos de vida passada.
In s’ora bisonzosa de consolu,
dend’aconortu cun versos a bolu.

Bos intendo, sinnend’ogn’istajone
De custa vida nostra passizera.
Bos intendo che nùscos in s’aera
de rosas a maju in pubusone.
Sezis sa trama de sarda cantone
chi resistit a boghe furistera.
Sezis s’alenu chi nd’ispinghet boghe
e, cun s’ammentu, sezis tot’inoghe.

Commenti sono sospesi.

RSS Sottoscrivi.