Veridade de Franco Piga a contivizu de Domitilla Mannu
Non chelzo drommire
ne ischidu restare
ma cun tegus, atrividu
sonniare
chentz’ischire chie ses,
non mi nelzas
it’as fatu, s’as amadu
it’as binchidu
conchistadu,
biazos ch’as fatu serena
in bisos
ch’in s’aera t’an giutu.
non mustres de amores
su frutu
ne de fortuna sos bantos,
non nelzas
de amigas sintzeras,
o de luna sos incantos,
de fide in sa vida,
de bonas maneras.
Si cheres ch”ida
chi cumprenda,
nara it’est mancadu
it’as perdidu,
chie partinde t’at lassada,
nara de lagrimas
de cantu ses sola,
nara de isperas vanas
de disizos isfritados
de passazos, ch’as apidu
tancados e niunu t’at abertu,
nara cant’as sufertu
pro amores isfortunados,
nara de fritas nueras
e fumores de s’edade,
nara chen’irgonza,
ma chi siat veridade.
Menzione speciale Premio Luigino Cossu – Trinità D’Agultu- 2012
Altre poesie in http://www.francopiga.it/ con profilo biografico, poesias e contos in www.luigiladu.it
