Povertade a cura di Domitilla Mannu
Custas poesias sunt istadas premiadas ocannu in su premiu de poesia ammaniadu dae sas Circoscritziones N°2 e 3 de Tàtari apo fatu parte de sa giuria chi fit cumpònnida dae Nino Fois ( presidente) Antonello Bazzu (segretàriu) e Giuanne Fiori e Vanna Giagheddu. Pro sa setzione de sos pitzinnos sa parte manna l’ant fata sos de Durgale ca si ch’ant leadu agiummai totu. B’at de narrer chi custo pitzinnos sunt sighidos dae sa professoressa Rina Masuri chi tenet una passione manna e fintzas passèntzia meda. Isperamus chi àteras insinniantes sigant s’esèmpru sou.
De Andrea Loi
Classe 2^ D Iscola Media Salvatore Fancello Dorgali Povertade 3° premio abrile 2011 Tàtari Premiu su de V de sas Circoscritziones N^ 2 e 3
Povertade
A caddu
est sa povertade
in sas cussorzas de su mundu
e su locu s’est picande.
Sos ricos
sos benes issoro si mantenen
e sos poveros
paren semper
prus poveros.
Chie imbolat tottu
e chie
solu unu cantzu ‘e pane disizat
e duos rambeddos
pro ‘achere su ‘ocu
chi dae meda est mortu
e comporare unu ‘estire
chi non siat
s’istratzu fitianu
chi sa carena cuguzat.
Medas pipios
diana chèrrere
peri una pinna e unu cuadernu
pro andare a iscola
cuss’iscola
chi lis est negà
‘intas si nos contan
chi semus totu uguales.
