Categoria : lingua/limba

Contratto di serva (teraca) del 1643 a cura di Francesco Amadu

Palonia Uda Sistiga cun sa fiza Juanna,  de Pattada faghent s’istrumentu cun  Gavinu e Lucresia Susanna, maridu e muzere, de Othieri pro dare a teraca a mesa carta a Juanna, açetante , a sos preditos coniuges, pro bator annos, cun totu sos obligos da una parte e dae s’atera. Testimonzos sunt Nigola Aquena e Anghelu Quidizone. Franziscu Apila notariu publicu.(Regestu de sa redatzione de academia sarda, dae parte de Titziana Sotgiu).

Documento n. 22 (1643)

Palonia Udas Sistiga mette la figlia Juanna Udas a servizio presso Gavinu Susanna, con contratto di “mesa carta” per quattro anni e mezzo.

ACO. Liberu et manuale…, fog. 362 – M. XVII, pag 51.

A 6 de Austu 1643. Oçierj.

Sit omnibus notum comente venin de concordia de pare gratis & mastru Gavinu Susanna et Lucressia Susanna Badalinu conjuges de sa presente villa de una parte, et parte atera Palonia Udas Sistiga et Juanna Udas mama et figia de sa villa de Pattada a su presente in sa presente villa a isquire est qui sa ditta Palonia Udas gratis & incartat pro teraca de domo et foras assos dittos conjuges Susanna et Badalinu assa ditta Juanna qui est presente et açetante a mesa carta pro tempus et termen de bator annos et mesu contadores dae hoe die presente in avante, infra su quale tempus promittet et sj obligat ditta Juanna qui det servire bene justamente et legalmente sensa comiter ingannu nen fraudu andande a totu cumandamentos et obediensias de dittos conjuges intro et foras a die et a nocte. Pro paga et satisfasione de su quale tempus de mesa carta dittos conjuges promiten et sj obligan dare et realmente pagare assa jompida de dittu servissiu sa meidade intera de totu sas cosas et pignos si solen dare in sa presente villa à teraca de carta sensa diffugiu de ateru tempus, cun pattu et condesione qui semper et cando qui sensa causa legitima dittos conjuges la cazaren sensa jomper dittu servissiu sian obligados pagarela tale et comente qui averet jompidu dittu tempus de mesa carta, et perj su simile semper qui ditta Juanna sinde andaret et lassaret de complire dittu servissiu sensa causa legitima qui sj apat a perder su servidu et siat obligada comente si obligat pagare sos alimentos. Et pro sa observansia de sas preditas cosas ambas partes de obligan sas personas et benes insoro apidos et pro aver istantes et mofentes largo modo & renunsian a totu leges dretos foros privilegios constitusiones vel alias qui a una parte it poder valer et ajuare et assatera noguer in contrariu de su presente actu & et assos propios foros insoro et sj suttamiten assu foru qui an como querrer convenner et compellire & et gasi lu firman et juran & large & Testes presentes Mastru Nigola Aquena et Anguelu Quidizone de sa presente villa. Franciscu Apila notariu publicu.

Dae su liberu de Francesco Amadu.

 

 

Commenti sono sospesi.

RSS Sottoscrivi.