Cussu cantadore de fradile meu Emidiu Tebachéra
Custas cantones las cantaiat Emidiu Tebachèra a boghe manna et deo restaio maravizadu. Como s’omine si ch’est mortu a Varese. L’an’apidu a ojos abertos a chelu insterridu in binza sua. Reposa in paghe fradile me’ e ista atentu a non cantare totu custas cantones innanti a Santu Pedru non siat chi ti fetat pesu.
In s’ortu sos bitellos
mandigant cariasa
sos ojos tuo bellos
chi mi los has promissos
nara si mi lo dasa.
In su monte ‘e Ghidone
bi cantat sa corroga
si non mi podes bider
sos ojos t’inde oga.
Maria pilos d’oro
si ch’est betada in mare
a piscare murena
si mi cheres amare
gito sempre unu coro
mancari in terra anzena.
In su buscu ‘e frassos
mi sento acurzu a tie
muzere sempr’amada
ma tue ses che i su nie
si ti chirco colcada
mi che pigo a sos tassos
e fozas boddo a tie.
In binza ‘e bidda noa
cantaisi fradile
custas cantones malas
como chi ses in chelu
non cantes in sas salas
si no perdes su velu.
Anghelu de sa Niera
