“Campanas de Nadale” di Giovanni Soro

Campanas de Nadale


Ripican sas campanas a iscutas
in custa notte serena ‘e nadale
sulenos sos isteddos in s’aera
promittin boghes noas de ispera
ispallattende ‘e bisos su caminu.
In  d-una grutta es nadu  su divinu
faladu  dae chelu a nos salvare

Ogni criadu in coro dêt cantare
boghes sintzeras de pura allegria.
Bois  pitzinnos de ogni zenia
bene iscultade custa melodia
chi bos regàlat  gosu ‘e amistade.
Como unidos e cuntentos pregade
a sa paghe ‘e sos coros triulados
chi sos rancores sian olvidados.

Tzaramonte 14/10/2018

LASCIA UN COMMENTO

RSS Sottoscrivi.