Categoria : versos in limba

“Umbras” “Ombre” di Maria Sale (I lirica da Carignos de ‘entu)

UMBRAS

 

Maria Sale

Maria Sale

In lughes impiuradas,
chentza paghe,
traessan
umbras ventureras,
in sas iscazas de sole
chi arrustit sas sidas
in sa terra arrumbada
a zigantes de rocca,
inue
sas dies calan
in sa terra granida.

Incue sighit
su sidis
a cunsumire sas ascias
bias
de su semene
abratzadu,
suspirende in sas nues
buttiares de vida.

E cun s’umbra
a costazu
pessighin unu tzufu
de ispera
belidas de anzone:
sementzas
de custa terra
de istinchiddas
e de fozas arridas
chi su ‘entu
isfaghet
chilchende
lughe isgiannada,
pro umbras
chentza paghe.

OMBRE
Nei bagliori polverosi,
senza pace,
transitano
ombre vagabonde,
fra le scaglie di sole
che brucia le fronde
nella terra poggiata
a giganti di pietra,
dove
calano i giorni
in terreno spaccato.
Lì persiste
la sete
consumando le schegge
vive
del seme
abbracciato,
sospirando da nubi
un gocciolar che dia vita.
E con a fianco
l’ombra
rincorrono un ciuffo
di speranza
belati di agnelli:
semi
di questa terra
di scintille,
di foglie arse
che il vento
dissolve
cercando
luce radiosa
per ombre
senza pace.  

LASCIA UN COMMENTO

RSS Sottoscrivi.