Categoria : versos in limba

In cust’oru ‘e mare di Domitilla Mannu

 

In cust’oru ‘e mare

cando s’unda abbratzat sa roca

e mi mirat cun ojos de ternura

 

lèbios si pesant

sos pessamentos mios

e che galanos puzones

bolant

in sas àndalas arcanas

de sa memòria.

 

In cust’oru ‘e mare

ch’est tota sa paghe de s’universu

ch’est su sabore

de una dulche amargura

de tejanos ammentos

de àteros tempos

e torrant bisiones

de isvanèssidos amores

de dulches disizos

de pèrdidas isperas.

 

E pesso

a cantos ten aer piantu

inoghe

cando, a s’inghelada ‘e su sole

s’ànima si perdet

a cara a s’orizonte.

 

 

Commenti

  1. S’anima a su mare e su mare a s’anima gai naschet in coro sa poesia e sos ammentos e sas recuidas de sa vida nostra.
    Augurios meda poetessa!
    Angelinu

    Angelino Tedde
    settembre 26th, 2012

LASCIA UN COMMENTO

RSS Sottoscrivi.