Pastoria primu e como de Giuanne Franchini

Pastoriu primu e como

De s’ultima tempesta addoloridos
chie meda e chie pagu l’at proada
sa digrascia non siat ismetigada
pro vivere in paghe e aunidos.

Sa familia nostra isbalotada
a campagna nos fimus trasferidos
carestia niedda e malestidos
solu cun sacrifizios alleviada.

Dae sos mannos facultade insinzadas
pro bestiamine e agriucoltura
duas tancas adatas pro pastura
e un’atera a laore semenada.

Laghinzajos sos pius minores
a su madrigadu sos mannitos
Titia sos manzanos fritos
manos e pes tzocheddos e dolores.

S’iscola amus devidu suspendere
pro andare a bidda fit atesu
più de unu nd’est restadu offesu
dannu a nois fit de cumprendere.

In atunzu tempus de s’anzera
bi cheriat pius atenzione
timende dannu dae su matzone
sos canes in pasciale a a tardu sera.

Ai murzu fuma fuma sa colostra
a bustare copiolu cun patatu
a chena minestrine bene fatu
in mezoru sa carena nostra.

S’ierru fit più longu a che passare
si calchi chida de nie bunante
in suerzos fotzidos bastante
ingrinidos sa roba a sidare.

Su late fatu a casu romanu
gitu a chentina de salagione
finidu e casiare s’istagione
su negusciante cun coro disumanu.

Poi e ses annos a bidda torrados
istadu ene b’est su prinzipale
batos frades a iscola serale
cun calchi depidu e pali matzados.

Como, si an bonu sensu e consideru
sos tempos sunt meda mezorados
chena ismentigos de sos tempos pasados.
cando pianghiant lagrimas de aberu.

LASCIA UN COMMENTO

RSS Sottoscrivi.