NUES di Giangavino Vasco a cura di Domitilla Mannu
De su tempus sas frinas
che sun trazande, mudas,
tottus sas dies de sa vida mia,
chi de su chi cheria
sun bòidas e nudas,
isettande ‘e su chelu sas istrinas.
Ma gregas sas aeras
peruna lughe atzenden,
lassàndemi apinnicos e disizos
in coro, ube fastizos
sa tristura m’inchenden,
cun su fogu istudadu ‘e sas isperas.
Ma cando a costas mias
tue torras sintzera,
a bolare si pesat custa mente,
e su chelu lughente
torrat, comente in s’era
chi sos versos in coro m’isterrias.
E s’ànimu s’illèbiat,
iscutinandesìche
sas umbras de sas nues tempestosas;
e nuscu ‘e friscas rosas
bolat, trazandemìche
ube un’aera pàsida m’intèbiat.
2 luglio 2011
2°Premio alla XX Edizione del Premio di Poesia “Remundu Piras” –
VILLANOVA MONTELEONE 20 agosto 2011
Profilo biografico e numerose altre poesie del poeta in http://www.luigiladu.it/ Il sito sardo più ricco e suggestivo di poesie e prose sarde contemporanee in limba con ampi spazi anche per le poesie italiane contemporanee e articoli di recensioni e tematiche in lingua italiana.
Commenti
Amo istintivamente la cultura sarda, che non conosco e la cui composita bellezza sto imparando ad esplorare da poco. Questo posto è un punto di riferimento per la mia ricerca, che faccio purtroppo con la sola passione come propulsore, senza alcuna preparazione in merito. Grazie di cuore per questi versi splendidi, da cui apprendo ancora una volta la meravigliosa armonia di questa lingua. Grazie anche per il preziosissimo link!
Un saluto
Aprile 17th, 2012