27 Settembre 2010
Categoria : versos in limba
Su bentu a Tzaramonte de Anghelu de sa Niéra
Su bentu s’est pesadu a Tzaramonte
Coment’ unu dimoniu iscadenadu.
Pigat e falat lestru dae su Monte
E poi si ch’etat mortu in su ighinadu.
Movet sos frassos de su buscu mannu
Chi t’accumpagnat dae idda a sa Rughe
Fatendedi estire de lan’ unu pannu
E tantas bortas nd’istudat sa lughe.
Dae battor logos accudit su bentu
Frittu o caldu o misciadu a sos duos
E non si frimmat mancu in Campustantu
Pro ti catzare perunu tormentu.
Senza riguardu pro sos ojos tuos
Su ciaffu t’iliscudet cripu tantu.
