Accademia sarda di storia di cultura e di lingua

Sas poesias de sos minores a cura di Domitilla Mannu

A mama

Si ebbia dia esser capatze,

dia leare unu paju de alas,

pro ti fagher bolare,

e deo dia bolare cun tegus.

Dia leare un’istella,

pro fagher lughe a sas notes tuas.

Dia leare unu raju de sole,

pro ti dare calore.

Dia leare sas notas musicales,

pro dedicare a tie totu sas cantones.

Dia leare s’arcu de Donnu Deu,

pro ti colorare sa vida.

Pro a mie non dia leare nudda,

pruite cun tegus , mama,

apo totu.

S’autore est Pietro Giola de s’iscola media de Fiolinas

S’istiu

Su turista in s’oru de sa marina,

su pastore tentende su laore.

Su primu pro giambare su colore,

su segundu chi no andet in chisina.

S’autore est Simone Satta de Li Punti < Tàtari > at 11 annos.