Categoria : versos in limba

Dillu a s’iscurigada de Carlo Moretti.

Accudide pro ballare

unu ballu pro gosare

si sa festa non est cumprida

sos cumpares ponent vida.

Sos pitzinnos cun nitzola

sas comares su ola ola

sos compares sun attentos

cantan puru in muttettos.

Current lestras sas prummissas

a sos Santos e sas pitzinnas

si mutzere cheres leare

benes deves presentare.

Non ti faghes imbrogliare

e nemmancu dinnegare

ses sa lughe de sa idda

de abbaidare che pupidda.

Cumpagnia de cadderis

l’ana comintzadas ‘eris

custa festa pro su Santu

chi nois veneramus tantu.

Calchi onu pro unu contu

ses fidadu de unu tontu

cando torrada in sa via

s’ainu s’est avviadu ‘e bia.

Curre curre sas poesias

e saludos a su Messia

como ‘ennidu est su tempus

de cantare pro su tempiu.

Sos pitzinnos approntende

in s’asilo minattende

babbu e mamma non manchedas

de applaudire in sas cadreas.

E si finit su poema

isperende chi non trema

su Pitzinnu ‘e sa capanna

pro sa lode più manna.

Carlo Moretti

Commenti sono sospesi.

RSS Sottoscrivi.