6 Agosto 2013
Categoria : versi in italiano
Non ch’at paghe de Anghelu de sa Niéra
Non ch’at paghe
in custa terra
chi mi paret
in eternu buliada.
Non ch’a paghe
in sa zente
chena sonnu.
Sos mannos
si sunt postos
a gherrare
e sos pitzinnos
cherent mandigare
e si benit sa paghe
issos podent
finas giogare.
Sos zuighes
macos de cadena
cundannant
chena cabu
e chena coa.
Sos cundannados
tichirriant
che animas in pena.
Sa zente no est cuntenta
de si frimmare
in custa terra
chi ballat
che morrocula
fatende dannos
e istudende bisos.
Niunu at in cara
sos galanos risos
ma totu suni grogos
dae su fele.
E deo
non bido s’ora
de olare
luego
peri sas aeras
che.i. sas nues
truvadas
dae su ‘entu.
Forsis
at a finire
su tormentu
de custu mundu
pienu
de ingannos
e ap’ismentigare
sos affannos
de custu coro
malaidu
chena isperas.
