Categoria : versos in limba

Ultimu caminu di Giovanni Soro

Ses ruttu

in s’ultimu caminu

de dolores,

fizu ‘e martirizos

frade ‘e sas isperas.

 

Unu mossu ‘e bonidade

Dimandaias

E risitos de dulzura

Ch’iscanzaiat su coro

A su perdonu.

 

Pedias dies de lughe

e nottes de prata

pro las carignare ,

in sas oras de solidade,

cun ojos pitzinnos .

 

Pedias annos de paghe

e abbratzos innotzentes

pro iscaldire sa poveresa …

e pedias sole…

e bramaias

rios appasigados

e tancas de olia

pro las donare

sa die ‘e pasca

a sos astores redimidos.

Ses ruttu…

Ma su sole chi mai morit

Ti fascat de oro

Cun ninna nannas eternas

 

 

LASCIA UN COMMENTO

RSS Sottoscrivi.