Categoria : versos in limba

Raccolta di mutos in sardo a cura di Domitilla Mannu

Custos mutos los apo collidos dae bucca de sos biados mannos mios umpare a àteras cantoneddas a duru duru e pregadorias.
images-25Intro de Santa Giusta
bi curret abba giara
e bi curret a primore
bella comente custa
non s’agatat pintore
chi pintet custa cara.

 

images-26Andende a Tzaramonte
si giampant duos rios
sunt tres cambas de mare
cantu mi durant bios
sos ojos de su fronte
mai t’apo a lassare.

 

images-221Sant’Antoni de Thori
est in d’ una montagna
e non li tocat biddia
ogni erva li fiorit
cando essit a campagna
a s’amorada mia.

 

images-27Puzones chi olades
dae sa Lumbardia
cust’ala nde enide
s’est chi a Tàtari andades
custa lìtera mia
a coro meu giughide.

 

images-231Unu fiore grogu
m’ant dadu a fiagare
fit cosa preubida
non l’agatas in logu
debadas l’as a chircare
pèrdidu l’as pro vida.

 

images-241A su riu b’ando deo
a samunare lana
sabone m’imbiade
perdonu babbu e mama
àteru non nde leo
si de custu mi brivades

LASCIA UN COMMENTO

RSS Sottoscrivi.