Categoria : versos in limba

A pes de s’altare de monte d’Accoddi di Nino Fois

 

images-28E semus torrados

a trumas

sutt’a s’ispantu de sos isteddos

in custa notte iscura

trumentada

fizos de una Terra peleada

a pes de s’altare

a pes de custas pedrasimages-29

antigòrias beneittas

a suer dae sas tittas

de Mama Sardigna

sa sabidoria chi mannos

at fattu sos mannos nostros.

Nois

ratigheddos

images-30de unu chercu manantiale[1]

dae su bentu bantzigados

de sa malasorte

sutt’a su piantu

de sos isteddos…

 

Semus torrados

a trumas

a pes de s’altare

pro abboghinare a cantu podimus

su dolu

chi sas aminas

nos est allizende.

Dae cust’altare a sas aerasimages-311

chi pighet su piantu

de custa Terra Nostra

e si mudent sas lagrimas

in lentore

e falet dae sa lunaimages-321

a sos coros pedrales

de frades traviados

pro chi torret

in sas laras affrizidas

su risu de su beranu

 

08.07.2000 Nino Fois

 

[1] Manantiale = perenne

 

 

 

LASCIA UN COMMENTO

RSS Sottoscrivi.