Sas poesias de sos minores contivizadas dae Domitilla Mannu
Publicamus sas poesias de sos pitzinnos de s’iscola de s’obbligu premiadas in su prèmiu de poesia ammanizadu dae sa Circoscrizione N^ 2 de Tàtari sa die 6 de martu . Ant bìnchidu totu sos prèmios una tropa de pitzinnas de Santu Lussurgiu, chi sunt istadas ghiadas dae Francesca Manca, una mastra de balia chi animat s’assotziu culturale Elighes ‘Uttiosos, nòdidu pro s’impignu in s’ammanizu de manifestassiones culturales pro sa crèschida de sa limba e de sa cultura sarda.
1^ Prèmiu
” SA ‘ISIONE de Giovanna Guspini – 12 annos
Serra sos ogos
e ti atzappas
in sas alas de unu dragu
chi ti faghet ‘olare
prus allargu de sos confines
de su munnu
suba una nue
de tzùccaru modde
po porrer iscultare
sa melodia de sos puzones
in unu regnu incantadu
in ue òmines, animales e natura
biven in paghe.
Tottu poden ‘isionare!
2^ PREMIU
EST BELLU A CAMINARE de Irene Ledda – 9 annos
Est bellu a caminare
sutta su paracu
a su reparu
de cussa ‘omighedda
comente un’antunnu
chi si movet
cun megus.
Est bellu
a iscultare
cussu balligheddu
de ‘uttios
asuba de sa conca mia.
Commenti
Leggera e spiritosa la lirica che nasce tra le fanciulle di un rude paese di montagna dai picchi di vulcani spenti, di boschi di querce, di sottoboschi dove cresce splendida la felce.
Ange de Clermont
Marzo 13th, 2010