Categoria : versos in limba

Tradizione e Modernità “contrasto” in ottave a Benetutti tra Stefano Demelas e Maria Sale, artisti di Chiaramonti (7 dicembre 2013)

“Ciao Angelino, mi permetto di inviarti, per eventuale pubblicazione nel tuo sito, il file che contiene 20 ottave (10 mie e 10 di Stefano Demelas) con le quali abbiamo partecipato al concorso “OTAVAS CURRENDE” organizzato dalla Pro Loco di Benetutti e dove siamo stati premiati con una menzione d’onore (la cerimonia di premiazione si è svolta oggi 7 Dicembre 2013).

Si tratta di un concorso originale, rispetto ai tanti altri che vengono organizzati da più parti, in quanto impone  il tema e lo sviluppo simile alle gare in palco con ottave “botta-risposta”.

Piccolo riconoscimento per noi,  ma grande tassello per la salvaguardia di questa tradizione ormai in declino.

I temi imposti quest’anno erano  “MODERNIDADE – TRADITZIONE”, io ho sviluppato il tema MODERNIDADE  e Stefano Demelas  il tema TRADITZIONE .

Sperando di meritare la sufficienza anche fra i lettori del tuo sito ti ringrazio.Maria

 Ricevo e pubblico volentieri questo “contrasto” in ottave tra due poeti di Chiaramonti (A.T.)

1 MODERNIDADE (Maria Sale))

SaleAter’invitu amus in cunsigna
paris cun temas d’alas diferentes.
Una sos usos at totu presentes
s’atera contat sa novell’insigna.
Si tue cantas usos de Sardigna
deo mi ch’ando cun modernas zentes.
Sas chi tot’ora sun’in movimentu
fatende pròas de mezoramentu.

 

2. TRADITZIONE  ( Stefano Demelas)

demelastefanoTotu sos temas sun bellos cuntzetos,
chi dan valor’a s’arrejonamentu.
Est parte manna e nde so cuntentu,
a faeddare de tantos segretos,
ch’at sa Sardigna in totu sos tretos,
faghimus ben’a mantenner s’ammentu.
Cun piaghere sigo sas istigas,
meritu dend’a sas cosas antigas.

 

3. MODERNIDADE ( Maria Sale)

 

Dalis merìtos e tesselis lodes
no ti las neg’incue sas rejones.
Ca si rispetan sas traditziones
sende fainas de sas zentes sodes.
L’isco, ca cheret bene chi l’isnodes
pro bi filare sas inventziones.
Ca servit estro e bi cheret proas
pro modellare sempre cosas noas.

4. TRADITZIONE (Stefano Demelas)

 

S’antighidade osservo bene attentu,
ch’est cosa frimma solid’e istabile.
Su ‘e oe no est paragonabile,
est che neula si si pesat bentu.
Ogni cheja ogn’antigu monumentu,
faina maestos’insuperabile.
Fatas fin pro durar’e pro piagher,
timo chi no nde torren manc’a fagher.

 

5. MODERNIDADE (Maria Sale)

 

Tenes s’antighidade cun ammiru
ti sun’ispantu cussos monumentos.
Tzeltu chi sos nuraghes fruscos bentos
già sind’an bidu molinend’in giru.
Però su sardu s’at postu regiru
e cimentadu s’at sos paraventos.
In su nuragh’a pèus de s’iscuru
già bi teniat fritu e meda puru.

6. TRADITZIONE (Stefano Demelas)

 

“Si fin torrados sos tempos de prima”,
comente narat sa massa ‘e sa zente.
Tando vivian totu allegramente
tra ballos, brincos e cantos in rima.
S’unu cun s’ater’aiat istima,
como si vivet a s’indiferente.
Chen’ischire cumandare cumandant,
poi no ischin manc’a ue andant.

 

7. MODERNIDADE (Maria Sale)

 

S’in su tempus antigu ti che pones
agatas sa prima discendentzia.
Bidimus ladina diferentzia,
ch’est cosa tzerta no sunt paragones;
ca s’est divisa in tantos cumones
sende chi fini ‘e tott’un’erentzia.
E pro distingher su populu sou
totu s’an fatu modas da-e nou.

 

8.TRADITZIONE (Stefano Demelas)

 

Ispalghende sa paz’a bator bentos
s’era modern’est fatend’abolotu,
distruende su mund’ind’unu botu.
Sunt finas bellos sos cambiamentos,
però, istendebei  ben’ atentos
e senz’ismentigare su connotu.
Ch’in barant’annos tot’an boltuladu,
ponzende fog’a totu su passadu.

 

9. MODERNIDADE (Maria Sale)

Como ripito su chi t’apo nadu
chena t’isterrer sos campionarios.
Sa zente s’at in sos tempos varios,
modernidades noas inventadu.
Cussas matessi, cun tempus passadu,
usos diventan traditzionarios.
E ti lu naro, s’est chi no l’ischias,
como sunt tuas ma fint modas mias.

 

10. TRADITZIONE (Stefano Demelas)

 

Tot’istampados che trudda pistunta,
perdende de sa ratza su ‘entinu.
Che cando cun bentone e capotinu,
una eràda aian pro aggiunta.
Cando in sardu fato sa pregunta,
tratana s’italianu porcheddinu.
Finas sa limba an sepellidu como
cun cudd’italianu fat’in domo.

 

11. MODERNIDADE (Maria Sale)

 

Semus in s’era ch’est globalizada
pro ‘idere sos populos unìdos.
Tue ses amantiosu ‘e cumbìdos
però sa zente com’est impressada.
Est cun pinnicu d’essire mudàda
cun su modern’istile ben’’estìdos.
Ca  b’at fin’unu diciu fentomadu,
chie no sighit mod’est cundennadu.

12.TRADITZIONE (Stefano Demelas)

Besso mudadu pro andare in giru,
cun su costum’estid’a pomp’e gala.
Sos istratzitos los ponz’a un’ala
Ca sunt cosas de ponner in retiru.
E no est cosa de grande ammiru,
sos caltzones in groppa fala fala.
Poi su mundu est sempr’una roda
su nou imbetzat, deo torro ‘e moda.

 

13. MODERNIDADE (Maria Sale)

 

Betzas e noas sempre suni modas,
cun sos imbentos d’onzi calidade.
Ses bidu sempre dà s’antighidade,
bessit sa noa sa ‘etza l’accòdas.
Giran est beru, ch’esserene rodas,
ma  cand’est subra est modernidade.
A bortas torrat, su ‘etzu a disvariu,
ma est petzame pro s’anticuariu.

 

14.TRADITZIONE (Stefano Demelas)

 

Sas copias chi andan a s’altare,
sunt riduidas su vinti pro chentu.
Pro sighire su mannu isperimentu,
sa carriera lùghida chilcare.
Miscende chent’e una cos’a pare
e in domo no faghen ausentu.
Andend’adainanti a pass’istesu
dividende sa domo mesu mesu.

 

15.MODERNIDADE (Maria Sale)

 

Si mi fentomas sa divisione
tocat de misurare s’argumentu.
Bides intro  su  sacru naschimentu
s’amore cun mann’istitutzione.
Ma non si podet fagher paragone
cun s’amore chi fatu s’est turmentu.
Mezus in paghe vivan dividìdos
chena delitos feos cummitìdos.

 

16. TRADITZIONE  (StefanoDemelas)

 

A peus chi s’annada est a s’imbesse
s’omine faghet progetos metzanos.
Prima cun su suor’e cun sas manos
resessiat a fagher interesse.
Como ch’est totucantu a su peresse
cunvintos d’esser bonos cristianos.
Pagu dispostos a donar’agiudu
e denneghend’in cara su saludu.

 

17. MODERNIDADE ( Maria Sale)

 

Tue cheres sa zente cun faìnas
e pro saludu dende s’adiòsu.
Su giovanu chi ti paret mengòsu
amigos nde tenet a chentìnas.
Lis narant amicitzias “fesbuccìnas”,
si “ciatana” e si ch’iden in “tubòsu”.
E b’at fintzas pro te, in s’internete,
bellas berritas e calchi bonete.

 

18. TRADITZIONE (Stefano Demelas)

 

Sa zent’’e oe si leat apretu,
e pro cussu su mund’est ch’andat male.
Ma deo sigo unu bonu ideale
pretend’in domo femina e letu.
Fatend’aficu a s’amore cuncretu
a su post’e s’amore virtuale.
Fac’e bucu, internete e tubòsu
ti faghen sonniare chena gosu.

 

19. MODERNIDADE (Maria Sale)

 

Comente curret tempus a s’indonu
andat sa zente cun su mundu totu.
Su chi ‘idimus, non s’est fat‘ebotu,
ma l’an fatu teracos cun padronu.
Su ch’est restadu fit manizu ‘onu
de s’operosidade tent’annotu.
Chi fit moderna cando l’ana fata
e-i su tempus l’at lassad’indata.

 

20. TRADITZIONE (Stefano Demelas)

 

Finende, s’arrogantzia dannosa,
no at batidu mai bonos frutos.
Semus a su mezoru resolutos,
cun mente sana e man’operosa.
Abistos in s’andar’in dogni cosa,
che resolz’arrodada sempre acutos.
Ch’istet dogn’unu a su postu sou,
dende valore a betz’e a nou.

 

Commenti sono sospesi.

RSS Sottoscrivi.