5 Maggio 2012
Categoria : versos in limba
Sighinde s’imprenta di Giangavino Vasco a cura di Domitilla Mannu
Mi ch’est colande gai custa vida,
chena perunu imprastu ne cussertu;
eppuru cantas giannas apo abbertu,
a’ cust’infadu chircande un’essida.
E l’intendo ch’ancora est abbramida
cust’ànima ch’in pettus apo in chertu,
dimandàndemi a ube che so fertu
po la lassare a fàmene e sidida.
Isbïoridu como onzi colore
a sos ojos istraccos s’est mustrande
e donz’ispera intendo in finitia.
Ma intro ancora so comente fia,
ca m’est sa gana ‘e viver azuande
a sighire s’imprenta de s’amore.
7 settembre 2010
1°Premio alla III Edizione del Premio di Poesia “S’isciareu” – FLUSSIO 11.12.2010
