21 Agosto 2009
Categoria : versos in limba
Affannos de Anghelu de sa Niera
Su sole subra a Nulvi
est tramontadu
e subra Tzaramonte
b’est sa luna
aih cantos ammentos
in su coro
pro fizos mios
chi suni
in disfortuna.
Como enit sa notte
e solu drommo
gittendemi in su coro
sos affannos
de custa vida
mia chen’ arresetu.
Cando ap’a drommire
in cuss’ eretu
de su mare de Sardigna
ch’apo miradu
affannos
gitendemi
e apentos.
